वीरगन्ज : वीरगन्जको रजतजयन्ती चोकबाट प्रहरीले लागुऔषध अफिमसहित चार जनालाई पक्राउ गरेको छ। पक्राउ पर्नेमा पटेर्वासुगौली गाँउपालिका-१ का ४० वर्षीय विनोद गिरी, वडा-५ का ३३ वर्षीय प्रदीप चौधरी, २८ वर्षीय सुनिलकुमार श्रीवास्तव र ३४ वर्षीय रामेश्वर राउत छन्।
वडा प्रहरी कार्यालय विर्ता र लागुऔषध नियन्त्रण व्युरो शाखा कार्यालय पर्साबाट खटिएको संयुक्त टोलीले रजतजयन्ती चोकमा वीरगन्जबाट भारतको रक्सौलतर्फ जाँदै गरेका ना४६प २५४० र ना४०प ६४६९ नम्बरको मोटरसाइकल रोकेर चेकजाँच गरेको थियो। त्यसक्रममा ना४०प ६४६९ नम्बरको मोटरसाइकलमा सवार रामेश्वर र गिरीको साथमा रहेको प्लाष्टिकको झोलाभित्रबाट अफिम १ केजी बरामद भएको प्रहरीले जनाएको छ।
उनीहरूसँगै रहेका ना४६ प २५४० नम्बरको मोटरसाइकलमा सवार प्रदीप र सुनिल पनि अफिम तस्करीमा संल्गन रहेको भेटिएपछि उनीहरूलाई पनि नियन्त्रणमा लिइएको पर्साका प्रहरी नायब उपरीक्षक किशोर लम्सालले बताए।
अफिम र दुवै मोटरसाइकलसहित नियन्त्रणमा लिइएका चारै जनालाई प्रहरी हिरासतमा राखेर लागुऔषध सम्बन्धी कसूरमा पर्सा जिल्ला अदालतबाट ५ दिनको म्याद थप अनुमति लिइ थप अनुसन्धान भइरहेको लम्सालले जानकारी दिए।
प्रतिक्रिया दिनुहोस !
