काठमाडौं : सरकार र नेपाल चिकित्सक संघबीच सहमति भएको छ। स्वास्थ्य मन्त्रालयमा मंगलबार रातिसम्म भएको वार्तामा दुई पक्षबीच सहमति भएको हो।
चिकित्सकहरूको माग सम्बोधन गर्न सरकार विद्यमान कानुन र नीतिगत व्यवस्थामा आवश्यक कानुन संशोधन गर्न तयार भएको हो। सरकारले त्यसका लागि उद्योग वाणिज्य तथा आपूर्ति मन्त्रालयका महाशाखा प्रमुखको संयोजकत्वमा कार्यदल गठन गर्ने र उक्त कार्यदलले सात दिनभित्र प्रतिवेदन पेस गर्ने सहमति भएको हो।
कार्यदलले बुझाएको प्रतिवेदनलाई पुनः वार्ता टोलीमा छलफलका लागि ल्याइने र कार्यान्वयनमा लगिने दुई पक्षबीच सहमति भएको हो। सहमतिसँगै आन्दोलनरत चिकित्सकहरूले आन्दोलन स्थगित गरेका छन् भने बन्द रहेका सेवाहरू आजैदेखि सञ्चालनमा आउने जानकारी दिइएको छ।
प्रतिक्रिया दिनुहोस !
