सामसङ ग्यालेक्सी ए १७ फाइभजी सार्वजनिक, प्रिमियम सुविधासहित किफायती मूल्यमा पाइने

काठमाडौं : सामसङले नेपालमा आफ्नो लोकप्रिय ए सीरिजलाई विस्तार गर्दै नयाँ ग्यालेक्सी ए १७ फाइभजी सार्वजनिक गरेको छ।

सामसङले नेपालमा आफ्नो लोकप्रिय ए सीरिजलाई विस्तार गर्दै नयाँ ग्यालेक्सी ए १७ फाइभजी सार्वजनिक गरेको छ। कम्पनीले हालै सार्वजनिक गरेको उक्त स्मार्ट मोबाइलको मूल्य ३४ हजार ९९९(८.२५६जीबी), ३० हजार ९९९ (८.१२८जीबी) र २८ हजार ९९९ (६.१२८जीबी) रुपैयाँ तोकिएको छ।

ग्यालेक्सी ए १७ फाइभजीमा ६.७९ इन्च सुपर एमोलिड डिस्प्ले ९० हर्ज रिफ्रेस रेटसहित, अझै पातलो र हल्का डिजाइन र लाइनर ग्रुप गरिएको क्यामेरा सेटअप छ। यसमा ५० एमपी ओआइएस मुख्य क्यामेरा, ५ एमबी अल्ट्रा–वाईड र २ एमपी म्याक्रो लेन्स रहेको छ, जसले विभिन्न खिचाइका विकल्प उपलब्ध गराउँछ।

यसमा जेमिनी इंटिग्रेशन, जेमिनी लाइभ र सर्कल टु सर्चजस्ता एआइ टुलहरू प्रयोग गर्न सकिन्छ। जसले दैनिक जीवनलाई अझ सहज र स्मार्ट बनाउने कम्पनीले विश्वास लिएको छ। नयाँ ग्यालेक्सी सार्वजनिक कार्यक्रममा सामसङ नेपालका निर्देशक प्रणय रत्न स्थापितले ग्यालेक्सीको नयाँ प्रडक्टले उपभोक्तालाई अझ स्मार्ट, सहज र व्यक्तिगत अनुभव दिने लक्ष्य राखेको बताए।

उनी भन्छन्, “ग्यालेक्सी ए १७ फाइभजी मार्फत हामीले नेपालको उपभोक्तालाई अझ स्मार्ट, सहज र व्यक्तिगत अनुभव दिने लक्ष्य राखेका छौं। प्रिमियम डिभाइसमा मात्र सीमित नवप्रवर्तनलाई सबैले पाउन सकुन् भन्ने हाम्रो विश्वास हो। ए १७ ले एआइ सञ्चालित प्रविधिलाई हरेक दिनको जीवनमा उपलब्ध गराउने दिशामा नयाँ कदम चालेको छ।”