बैतडी : बैतडीमा एक युवकले आफ्नै काकीको बन्चरो प्रहार गरी हत्या गरेका छन् । सिगास गाउँपालिका-२ को पेडेगोदाका ३० वर्षीय यज्ञ सिंह धामीले आफ्नै काकी अन्दाजी ३४ वर्षीया बेलमती धामीको बन्चरो प्रहार गरी हत्या गरेको जिल्ला प्रहरी कार्यालय बैतडीका प्रबक्ता प्रहरी निरीक्षक बलराम पाण्डेयले जानकारी दिए ।
आइतबार राति करिब ११ बजेको समयमा घरभित्रै गएर यज्ञले बेलमतीको घाँटीमा बन्चरो प्रहार गरी हत्या गरेको प्रहरीले जनाएको छ । शवको पोष्टमाटमको लागि जिल्ला अस्पताल बैतडी लगिएको छ । हत्या गर्ने यज्ञ सिंह धामीलाई गएराती नै प्रहरीले नियन्त्रणमा लिएको थियो ।
हत्या गर्ने धामी हुलाकका अतिरिक्त कर्मचारी हुन् । कैलालीमा रहेका उनी यही भाद्र १९ गतेमात्रै घर आएका आफन्त जय सिंह धामीले जानकारी दिए । चार दिन पहिले मात्रै घर आएका उनले यसअघि आफ्नै आमालाई समेत कुटपिट गरेको आफन्तले बताएका छन् ।
एकल महिलासमेत रहेकी बेलमतीका चार छोरी र एक छोरी छन् । योज्ञेन्द्रका श्रीमतीसहित एक छोरा र एक छोरी छन् । श्रीमती वैदेशिक रोजगारीमा रहेकी छन् ।
प्रतिक्रिया दिनुहोस !
