जेनजी पुस्ताको आन्दोलन
बिर्तामोड नगरपालिकामा तोडफोड, स्थिति तनावग्रस्त
भदौ २३, २०८२ सोमबार १६:५८:४
झापा : जेनजी प्रदर्शनकारीहरूले बिर्तामोड नगरपालिकामा तोडफोड गरेपछि स्थिति तनावग्रस्त बनेको छ। प्रदर्शनकारीहरूले ढुङ्गा प्रहार गरी नगरपालिकाभित्र प्रवेश गर्न खोजेपछि स्थिति तनावग्रस्त बनेको हो । प्रदर्शनकारीको भीडलाई नियन्त्रणमा लिन प्रहरीले बल प्रयोग गरेपछि दुवै पक्षबीच झडप भएको थियो ।
झडपमा परी केही घाइते भएका छन् । प्रदर्शनकारीहरूले ढुंगामुडा प्रहार गरी नगरपालिकाको नयाँ भवनको धेरै सीसा तोडफोड गरेका छन् भने नगरपालिकाको गेटमा समेत आगजनी गरेको जनाइएको छ । प्रहरीले स्थिति नियन्त्रणमा लिन अश्रुग्याँस प्रहारसमेत गरेको छ ।
सामाजिक सञ्जाल प्रतिबन्ध लगाउने सरकारको निर्णय र भ्रष्टाचारविरुद्ध जेनजीहरूले काठमाडौंसहित देशभर आन्दोलन सुरू गरेका छन्।
प्रतिक्रिया दिनुहोस !
