विराटनगर : जेनजी पुस्ताको आन्दोलनको असर शैक्षिक संस्थामा देखिएको छ। आन्दोलनका कारण विराटनगरका शैक्षिक संस्था २ दिन बिदा गर्ने निर्णय भएको छ।
क्याम्पसहरु मंगलबार र बुधबार बिदा गर्ने निर्णय भएको मोरङका प्रमुख जिल्ला अधिकारी इन्द्रदेव यादवले बताए। सोमबारको प्रदर्शनमा विद्यार्थीहरु शैक्षिक संस्थाकै पोसाकमा सहभागी भएका थिए। प्रजिअ यादवका अनुसार सरोकारवालाहरुको बैठकले शैक्षिक संस्था २ दिन बिदा दिने निर्णय गरेको हो।
क्याम्पसहरु २ दिन र विद्यालयमा १ दिन बिदा दिने निर्णय भएको उनले बताए। उनका अनुसार विद्यालयहरु मंगलबार मात्रै बिदा हुने छन्। जेनजीको आन्दोलन उग्र बनेपछि प्याब्सन र हिसानलगायत सरोकारवाला निकायले शैक्षिक संस्था बन्द गर्ने निर्णय लिएका हुन्।
प्रतिक्रिया दिनुहोस !
