सिन्धुली : सिन्धुलीको दुधौली नगरपालिका- १० कर्था घाटामा एकजना पुरुषको शव फेला परेको छ । सोही स्थानका ५१ वर्षीय लिलाबहादुर सार्कीको शव कमला नदीमा डुबेको अवस्थामा फेला पारेको बताइएको छ ।
इलाका प्रहरी कार्यालय डकाहका अनुसार बुधबार बिहान दश बजेतिर गाई वस्तु चराउन गएका सार्की साँझसम्म घर फर्केका थिएनन् । त्यसलगत्तै खोजतलास गर्ने क्रममा बिहीबार बिहान कमला नदीको खाल्डोमा डुबेको अवस्थामा शव पेला पारिएको इलाका प्रहरी कार्यालय डकाहका प्रहरी निरिक्षक सपना खड्काको भनाई छ ।
स्थानीय नदीमा नुहाउन जाँदा पानीमा मानिसको शव देखेपछि तत्काल प्रहरीलाई खबर गरेका थिए । सोही सूचनाका आधारमा पुगेको प्रहरी टोली र स्थानीयले शव बाहिर निकाल्दा सार्कीको भएको पुष्टि भएको थियो ।
घटनाबारे प्रहरीले अनुसन्धान थालेको छ भने सार्कीको शव दुधौली नगर अस्पताल सिर्थौली पठाइएको छ ।
प्रतिक्रिया दिनुहोस !
