काठमाडौं : क्रिसमस इभको अवसरमा नेपालमा इसाई समुदायसँगै सर्वसाधारणको पनि उत्साहपूर्ण सहभागिता देखिएको छ। काठमाडौं उपत्यकासहित प्रमुख सहरहरूमा रहेका चर्चहरूमा विशेष प्रार्थना सभा, भजन-कीर्तन र मैनबत्ती प्रज्वलन कार्यक्रम आयोजना गरिएका छन्।
यससँगै, राजधानीका शपिङ मल र सार्वजनिक स्थानहरू क्रिसमस थीमअनुसार सजाइएका छन्। क्रिसमस ट्री, झिलिमिली बत्ती र सान्ता क्लजको सजावटले मलहरूमा चहलपहल बढाएको छ। परिवार, युवा र बालबालिकाहरू फोटो खिच्दै र आपसमा शुभकामना साटासाट गर्दै क्रिसमस इभ मनाइरहेका छन्।
विदेशी संस्कृतिबाट भित्रिएको क्रिसमस उत्सव समयक्रममा नेपाली समाजसँग घुलमिल हुँदै गएको छ। धार्मिक आस्थासँगै सामाजिक र सांस्कृतिक गतिविधिमा समेत यसको प्रभाव विस्तार हुँदै गएको देखिन्छ, जसले नेपालमा क्रिसमसलाई विविध समुदायबीच आपसी मेलमिलाप र सहिष्णुताको प्रतीकका रूपमा स्थापित गरेको छ।
अभिषेक महर्जनले खिचेका तस्बिर:
सुनिता डंगोलले खिचेका तस्बिर:
प्रतिक्रिया दिनुहोस !
