प्यूठान : गौमुखी गाउँपालिकाले आयोजना गरेको खेलकुद प्रतियोगितामा खरा माध्यमिक विद्यालय रजवाराले प्रथम स्थान हासिल गरेको छ। शनिबार सम्पन्न छैठौं राष्ट्रपति रनिङ शिल्ड प्रतियोगितामा विद्यालय प्रथम भएको हो।
खरा माविले ११ स्वर्ण, ४ रजत र ५ कास्यसहित २० पदक जितेर प्रथम स्थान हासिल गरेको हो। प्रतियोगितामा ९ स्वर्ण, ८ रजत र ८ कास्यसहित २५ पदक जितेर गौमुखी माध्यमिक विद्यालय ठूलावेशीले द्वितीय स्थान प्राप्त गरेको हो।
अर्खा माध्यमिक विद्यालयले ३ स्वर्ण, ५ रजत र ३ कास्य गरी १२ पदक जितेर तेस्रो स्थान हासिल गरेको छ। प्रतियोगितामा ७ माध्यमिक विद्यालयको सहभागिता रहेको थियो।
यस वर्षको प्रतियोगितामा अमृत जीवन माध्यमिक विद्यालयले १२, महेन्द्र माध्यमिक विद्यालयले ११, भृकुटी माध्यमिक विद्यालयले ११ पदक जित निकालेका छन्।
प्रतिक्रिया दिनुहोस !
