काठमाडौंका बाँकी ८ क्षेत्रमा पनि रास्वपा भारी मतान्तरले अगाडि
फागुन २२, २०८२ शुक्रबार १८:२३:३३
काठमाडौं : प्रतिनिधिसभा निर्वाचनको जारी मतगणनामा काठमाडौंका बाँकी ८ वटै क्षेत्रमा राष्ट्रिय स्वतन्त्र पार्टी (रास्वपा)ले अग्रता कायमै राखेको छ। पछिल्लो मतपरिणामअनुसार काठमाडौं २ मा सुनिल केसीले १३ हजार ८८६ मतसहित अग्रस्थानमा छन्। दोस्रोमा कांग्रेसले ४३५५ मतसहित पछ्याइरहेको छ।
त्यस्तै काठमाडौं ३ मा राजुनाथ पाण्डेले ११ हजार ९७२ मतसहित अग्रस्थानमा छन्। उनलाई उज्यालो नेपालका कुलमान घिसिङले ७ हजार ७४५ मतसहित पछ्याइरहेका छन्।
त्यस्तै काठमाडौं ४ मा पुकार बमले १५ हजार ७०३ मतसहित अग्रस्थानमा छन्। उनलाई कांग्रेसले ४ हजार ८४२ मतसहित पछ्याइरहेको छ।
त्यस्तै काठमाडौं ५ मा सस्मित पोखरेलले १८ हजार ५१ मतसहित अग्रस्थानमा छन्। उनलाई कांग्रेसका प्रदीप पौडेलले ५ हजार ६२७ मतले पछ्याइरहेका छन्।
त्यस्तै काठमाडौं ७ मा गणेश पराजुलीले १७ हजार २८१ मतसहित अग्रस्थानमा छन्। उनलाई एमाले उम्मेदवारले २ हजार ७३८ मतसहित पछ्याइरहेका छन्।
त्यस्तै काठमाडौं ८ मा विराजभक्त श्रेष्ठले १९ हजार ६३१ मत ल्याएर अग्रस्थानमा छन्। उनलाई नेकपाका उम्मेदवारले २ हजार ४२४ मत ल्याएर पछ्याइरहेका छन्।
त्यस्तै काठमाडौं ९ मा डोलप्रसाद अर्यालले १४ हजार ३४८ मतसहित अग्रस्थानमा छन्। उनलाई कांग्रेसका उम्मेदवारले पछ्याइरहेका छन्।
त्यस्तै काठमाडौं १० मा प्रदीप विष्टले २३ हजार १८५ मतसहित अग्रस्थान छन् भने उनलाई कांग्रेसका हिमाल कार्कीले ५ हजार ६१० मत ल्याएर पछ्याइरहेका छन्। काठमाडौंको क्षेत्र १ मा रञ्जु न्यौपाने र क्षेत्र नं ६ बाट शिशिर खनाल विजयी भइसकेका छन्।
प्रतिक्रिया दिनुहोस !
