वीरगन्ज : प्रधानमन्त्री कप पुरुष राष्ट्रिय क्रिकेट प्रतियोगिता अन्तर्गतको खेलमा सुदूरपश्चिमले लुम्बिनीलाई १६९ रनको लक्ष्य प्रस्तुत गरेको छ । वीरगन्जस्थित नारायणी रंगशालामा टस हारेर ब्याटिङ गरेको सुदूरपश्चिमले ४५.४ ओभरमा सबै विकेट गुमाएर १६८ रन जोडेको हो ।
सुदूरपश्चिमका लागि दीपक बोहोराले ३०, हेमन्त धामीले २९, किरण ठगुन्नाले २०, अभिषेक पालले १७, प्रकाश पाण्डेले १४, नारायण जोशीले ११, खड्क बोहोरा र सौर्य श्रेष्ठले समान १०–१० रन बनाए ।लुम्बिनीका लागि सन्तोष यादव र अजय चौहानले उत्कृष्ट बलिङ गर्दै ४–४ विकेट लिए भने सन्देश थापाले एक विकेट हात पारे ।
सुदूरपश्चिमले दिएको लक्ष्य पछ्याउन लुम्बिनीका ओपनर आकाश त्रिपाठी र रञ्जित खड्का मैदानमा उत्रिएका छन् ।
प्रतिक्रिया दिनुहोस !
