अमेरिका : अमेरिकी राष्ट्रपति डोनाल्ड ट्रम्पले बिहीबार बिहान ह्वाइट हाउसमा इरान युद्धबारे सम्बोधन गरे । तर ट्रम्पको सम्बोधनमा अधिकांश कुरा विगत केही दिनदेखि इरान युद्धबारे दिँदै आएका अभिव्यक्तिहरु जस्तै थिए ।
२० मिनेट लामो यो सम्बोधनमा उनले अमेरिका–इजरायल सैन्य अभियानको ‘मुख्य रणनीतिक उद्देश्यहरू’ लगभग पूरा हुने अवस्थामा पुगेको बताए । उनले यो युद्ध अझै दुईदेखि तीन हप्ता चल्न सक्ने बताए । सम्बोधनमा उनले इरानलाई ‘पाषाण युगमा फर्काइ दिने’ चेतावनी पनि दिए । यदि विगत एक हप्तामा ट्रम्पले ट्रुथ सोशलमा गरेका पोस्टहरू हेर्नु भयो भने ती कुरा राष्ट्रका नाममा गरिएको उनको सम्बोधनसँग धेरै मिल्दोजुल्दो देखिन्छ ।
राष्ट्रपति ट्रम्पले यस युद्धका फाइदाहरू अमेरिकी जनतालाई बुझाउने प्रयास पनि सम्बोधनमा गरे । २८ फेब्रुअरीमा सुरु भएको यस सैन्य अभियानप्रति अधिकांश मतदाताहरू असहमत छन् । ट्रम्पले अमेरिकी जनतालाई यस युद्धलाई आफ्नो भविष्यमा ‘लगानी’ को रूपमा हेर्न आग्रह गरे । तर यस सम्बोधनमा ती व्यक्तिहरूका लागि धेरै कम वा खासै केही थिएन । उनीहरु यो युद्ध कुन दिशामा जाँदैछ भन्ने जान्न चाहन्थे । अमेरिका यसबाट बाहिर निस्कने सम्भावित उपायहरू के हुन सक्छन् । यसमा धेरै प्रश्नहरूको जवाफ राष्ट्रपति ट्रम्बाट नआएको प्रतिक्रिया आएका छन् ।
प्रतिक्रिया दिनुहोस !
