इरान : बेलायतले होर्मुज जलडमरु हुँदै गइरहेको ट्याङ्करमा इरानले गोली चलाएको दावी गरेको छ । बेलायतले होर्मुज जलडमरूमा एउटा ट्यांकरमाथि इरानको इस्लामिक रिभोल्युसनरी गार्ड्स कोर्प्सले गोलीबारी गरेको दावी गरेको हो ।
घटना ओमानबाट २० नटिकल माइल उत्तर–पूर्वमा भएको जनाइएको छ । तर ट्यांकर र त्यसका चालक दल सुरक्षित रहेको जनाइएको छ । त्यसैगरी, तीन स्रोतहरूले समाचार एजेन्सी रोयटर्सलाई बताएका अनुसार कम्तीमा दुई व्यापारिक जहाजहरूले होर्मुज जलडमरू पार गर्ने क्रममा आफूमाथि गोली चलाइएको बताएका छन् ।
इरानी मिडियामा होर्मुज जलडमरू बन्द हुने खबर आएपछि धेरै जहाजहरूले आफ्नो मार्ग परिवर्तन गरेका छन् । इरानी सरकारी मिडियाका अनुसार देशको सेनाले होर्मुज जलडमरूमा पुनः नियन्त्रण कायम गर्ने बताएको छ ।
प्रतिक्रिया दिनुहोस !
