प्युठान : प्युठानमा गएराति भएको मोटरसाइकल दुर्घटनामा परी एक युवकको मृत्यु भएको छ। मृत्यु हुनेमा गौमुखी गाउँपालिकाको ठुलाबेंसीस्थित आँखा उपचार केन्द्रमा कार्यरत २५ वर्षीय हेमराज रानामगर रहेका छन्।
प्रहरीका अनुसार ठुलाबेंसीबाट आफ्नो घर अर्खा अर्तुवाङतर्फ जाँदै गर्दा मोटरसाइकल दुर्घटना भएको र उनको घटनास्थलमै मृत्यु भएको हो। लु ५६ प १५७६ नम्बरको मोटरसाइकल गएराति नै दुर्घटना भए पनि आज बिहान स्थानीयले देखेपछि मात्र प्रहरीलाई खबर गरेका थिए।
स्थानीय प्रहरीले घटस्थललाई सुरक्षित राखेको र थप अनुसन्धानका लागि जिल्लाबाट प्रहरी टोलि खटाइएको प्रहरी नायब उपरीक्षक नरहरी अधिकारीले बताए ।
प्रतिक्रिया दिनुहोस !
