काठमाडौं : युरोपको विभिन्न देशमा लैजाने भन्दै ठगी गर्ने एकजना पक्राउ परेका छन्। पक्राउ पर्नेमा मकवानपुरको कैलाश गाउँपालिका-१० घर भई हाल काठमाडौंको टोखा बस्ने ४१ वर्षीय भीम लामा रहेका छन्।
उनले युरोपको विभिन्न देशमा लैजाने भनेर १ करोड ९३ लाख रुपैयाँ लिएको पाइएको काठमाडौं उपत्यका अपराध अनुसन्धान कार्यालयका सूचना अधिकारी एवं प्रहरी उपरीक्षक रामेश्वर कार्कीले बताए। उनका अनुसार लामाले १ जनाबाट रकम लिएपछि उनी फरार रहेका थिए।
यसैगरी क्यानडा लैजाने भनेर ५ लाख ३२ हजार रुपैयाँ ठगी गरेको आरोपमा एकजना पक्राउ परेका छन्। दैलेखको गुराँस गाउँपालिका-३ घर भई हाल काठमाडौंको बुढानीलकण्ठ बस्ने ३९ वर्षीय खड्कध्वज शाही पक्राउ परेका हुन्। पक्राउ परेका दुवै जनालाई थप अनुसन्धानका लागि वैदेशिक रोजगार विभाग पठाइएको सूचना अधिकारी कार्कीले बताए।
प्रतिक्रिया दिनुहोस !
