अर्थमन्त्रीको बचाउ गर्दै सांसद सुनारले भने, ‘नाक कहाँ पर्छ भनेर छानविन समिति बनाउन जरुरी छैन’
जेठ २९, २०८३ शुक्रबार १२:५३:२४
काठमाडौं : सत्तारुढ राष्ट्रिय स्वतन्त्र पार्टी (रास्वपा) सांसद खगेन्द्र सुनार अर्थमन्त्री डा. स्वर्णिम वाग्लेले गरेको करको दर हेरफेरका विषयमा भएको टिकाटिप्पणी र आलोचनाको विरोध गर्दै बचाउ गरेका छन् ।
प्रतिनिधिसभाको आजको बैठकमा बोल्दै रास्वपा सांसद सुनारले अर्थमन्त्री वाग्लेले सबै संवैधानिक प्रक्रिया पुरा गरी गरेको कर्मलाई लिएर गरिएको टिकाटिप्पणीलाई सुन्दा जायज नभएको बताए । उनले यो व्यवस्था तीन तरिकाले चल्ने बताउँदै एउटा यसको विधि विधान हुने, अर्को अन्तराष्ट्रिय मान्यता हुने र तेस्रो परम्परा हुने बताए ।
आफूले गरेको कुनै पनि काम परम्परामा आधारित हुने, त्यहि परम्परामा टेकेर पुरानाले गरेको त्रुटीलाई सच्याइएको कर्मप्रति गरिएको टिकाटिप्पणीप्रति आफूहरुको गम्भिर ध्यानाकर्ष भएको बताए । सांसद सुननारले व्यतिगत रुपमा अर्थमन्त्री वाग्लेमाथि गरिएको टिप्पणी र लगाइएको आरोपप्रति आफूहरु गम्भिर रहेको बताउँदै सांसद सुनारले सदनमार्फत ध्यानाकर्ष गराउन चाहेको बताए । उनले भने, ‘घाम जस्तै छर्लङ भएको कुरालाई नाक कहाँ पर्छ भनेर छानविन समिति बनाउन जरुरी छैन, नाक यहिँ पर्छ भन्ने सबैलाई जानकारी होस् ।’
प्रतिक्रिया दिनुहोस !
