काठमाडौं : नेकपा एमाले संसदीय दलको बैठक अहिले एमाले मुख्यालय च्यासलमा बसिरहेको छ । पार्टी अध्यक्ष केपी शर्मा ओलीको उपस्थितिमा मंगलबार दिउँसो २ बजेबाट संसदीय दलको बैठक बसेको हो । बैठकमा सममसामयिक राजनीतिक घटनाक्रमसँगै पार्टी उपाध्यक्ष विष्णु पौडेलको पक्राउपछि उत्पन्न परिस्थिति र पार्टीको आगामी रणनीतिबारे छलफल हुने बताइएको छ ।
सुर्खेतको वीरेन्द्रनगरमा पक्राउ परेका एमालेका उपाध्यक्ष एवम् पूर्व अर्थमन्त्री विष्णुप्रसाद पौडेललाई ललितपुर ल्याइएको छ । सोमबार प्रहरीले उनलाई पक्राउ गरेर आज बिहान माइक्रोबाट ललितपुरमा ल्याइएको हो । पूर्व उपप्रधान एवं अर्थमन्त्री समेत रहेका पौडेललाई अहिले ललितपुरस्थित सम्पत्ति शुद्धीकरण अनुसन्धान विभागको कार्यालयमा लगिएको छ । सम्पत्ति शुद्धीकरण अनुसन्धान विभागले पत्राचार गरेपछि प्रहरीले उनलाई नियन्त्रणमा लिएको थियो ।
पक्राउपछि उनलाई तत्काल काठमाडौं लैजाने तयारी गरिए पनि सुर्खेतबाट साँझको समयमा काठमाडौंका लागि सीधा हवाई सेवा उपलब्ध नभएकाले सडकमार्ग हुँदै नेपालगन्ज पठाइएको बताइएको छ । पौडेललाई हिरासतमा राखेर अनुसन्धान गर्न आज नै उनलाई अदालतमा पेस गर्ने तयारी छ । एमालेले आज साँझ ६ बजे ओली निवास गुण्डुमा सचिवालय बैठक पनि बोलाएको छ । तस्विरहरु : एमाले सचिवालय
प्रतिक्रिया दिनुहोस !
