काठमाडौं : बहुविवाह मुद्दाका फरार प्रतिवादी पक्राउ परेका छन्। प्रहरीका अनुसार काठमाडौं महानगरपालिका-१३ छाउनी बस्ने संखुवासभा मादी नगरपालिका-६ पुलुङ घर भएका ३६ वर्षीय लाल बहादुर भुझेललाई पक्राउ गरिएको हो।
उच्च अदालत विराटनगरको २०८० साउन १६ गतेको फैसलाले उक्त मुद्दामा १ वर्ष ६ महिना कैद सजाय ठहर भई फरार रहेका उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं महानगरपालिका-१३ छाउनीबाट पक्राउ गरेको हो ।
उनलाई फैसला कार्यान्वयनको लागि जिल्ला अदालत काठमाडौंमा पेश गरिएको प्रहरीले जनाएको छ ।
प्रतिक्रिया दिनुहोस !
