झापा : झापाको कमलमा स्कुटर दुर्घटना हुँदा एकजनाको मृत्यु भएको छ । कमल गाउँपालिका-२ छलफल चोकस्थित भित्री सडक खण्डमा केर्खाबाट समयगढतर्फ जाँदै गरेको मे ११ प १६१८ नम्बरको स्कुटर बिहीबार साँझ ६:४० बजे आफै अनियन्त्रित भई दुर्घटना भएको हो।
दुर्घटनामा परी स्कुटरको पछाडि सवार धादिङ जिल्ला थाँक्रे गाउँपालिका ११ स्थायी घर भई हाल कमल-६ निवासी ३० वर्षीय राजन तामाङ गम्भीर घाइते भएका थिए । उनको निम्स अस्पताल दमकमा उपचारको क्रममा साँझ ७ः३० बजे मृत्यु भएको जिल्ला प्रहरी कार्यालय झापाले जनाएको छ ।
त्यस्तै स्कुटर चालक इलाम जिल्ला माई नगरपालिका-१ स्थायी ठेगाना भई हाल दमक-५ निवासी २९ वर्षीय राजन महत घाइते भएका छन् । उनको टाउको र बायाँ कानमा गम्भीर चोट लागेको छ । उनलाई निम्स अस्पताल दमकमा सामान्य उपचारपश्चात् थप उपचारको लागि बीएण्डसी अस्पताल बिर्तामोड रेफर गरिएको छ । स्कुटर प्रहरी चौकी तोपगाछीले नियन्त्रणमा लिएको छ ।
प्रतिक्रिया दिनुहोस !
