दक्षिण एसियामा पस्यो आतंकवादी समूह आइएस
नयाँदिल्ली: बंगलादेशको राजधानी ढाकाको कुटनीतिक निकाय रहेको क्षेत्रमा भएको आइएसको आक्रमणमा ६ जना मारिएका छन् ।
कुटनैतिक निकायका कार्यालय रहेको क्षेत्रस्थित एक रेस्टुरेन्टमा शुक्रबार राति पौने नौ बजेबाट भएको आक्रमणमा संलग्न जना आतंकवादी मारिएका हुन् ।
आइएस आतंकवादीले ४० जनालाई स्थानीय एक रेस्टुरेन्टमा बन्धक बनाएपछि बंगलादेशी कमान्डोले अपरेशन थालेको थियो ।
शुक्रबार रातिदेखि करिब १३ घन्टासम्म चलेको कारबाहीमा ४० जनालाई सकुशल बचाइयो भने सेनाले ६ जना आतंकवादीलाई मार्न सफल भएको हो ।
यस कारबाहीका क्रममा एकजना आतंकवादीलाई पनि जिउँदै पक्रन सफल भएको छ । करिब ४० जनालाई बन्धक बनाएका आतंकवादीसँग वार्ता हुन नसकेपछि सेनाको कमान्डोले शनिबार बिहानैबाट अपरेशन चलाएको थियो ।
यो हमलालाई भारतको मुम्बईमा सन् २०११ मा भएको आतंकवादी हमलाजस्तै ठानिएको छ ।
सुरक्षाबलको अपरेशनका क्रममा सबै बन्धक रिहा गराउन सफल भएको छ भने कारबाहीका क्रममा गोली हानिँदा मारिएका ५ जनाको शव रेस्टुरेन्टमा भेटिएको छ ।
आइएसले आक्रमण गरेको भन्दा एक किलोमिटरको दुरीमा भारतीय उच्चायोगको कार्यालय रहेको छ । कारबाहीका क्रममा रिहा गरिएकाहरुमा इटाली, अर्जेन्टिना, भारतीय र जापानी नागरिक रहेका छन् ।
आइएसको आक्रमणका क्रममा बम विस्फोटको पनि आवाज आएको थियो । रोयटर्सका अनुसार यो हमलाको जिम्मेवारी आइएसले लिइसकेको छ । यो आक्रमणमा संलग्न दुईजना आतंकवादी फरार रहेका बताइएको छ ।
प्रतिक्रिया दिनुहोस !
