हुवावे पी ९ नेपालमा, मूल्य ६० हजार
काठमाडौँः चिनियाँ मोबाइल कम्पनी हुवावेको पी सिरिजअन्तर्गत पी ९ नेपाली बजारमा भित्रिएको छ । दुईवटा सिम चलाउन सकिने पी ९ को नेपाली बजारमा मूल्य ६० हजार रुपैयाँ तोकिएको छ ।
कम्पनीले विशेष कार्यक्रम गरेर मोबाइल नेपाली बजारमा सार्वजनिक गरेको हो । पछिल्लो समय स्मार्टफोनको बजारमा आक्रामक ढंगले आएको पी ९ फोटोग्राफीका लागि विशेष भएको दाबी गरिएको छ ।
हुवावे टेक्नोलोजी नेपालका मार्केटिङ म्यानेजर सुमित प्रधानांगले लाइकाको लेन्स प्रयोग गरेको हुँदा फोनको पछाडि १२ मेगापिक्सेलका दुईवटा क्यामरा रहेको बताउँदै यसबाट उत्कृष्ट फोटो खिच्न सकिने दाबी गरे ।
व्यावसायिक फोटोग्राफर किशोर कायस्थले फोटोग्राफीका लागि पी ९ उत्कृष्ट भएको आफ्नो निष्कर्ष रहेको सुनाए । फोरजी एलटीई नेटवर्क सपोर्ट गर्ने पी ९ मा ९५५ ओक्टाकोर प्रोसेसर छ भने तीन हजार एमएच पावरको ब्याट्री छ ।
पछिल्लो समय स्मार्टफोनको बजारमा आक्रामक ढंगले आएको पी ९ फोटोग्राफीका लागि विशेष भएको दाबी गरिएको छ ।
थ्रीडी फिंगरप्रिन्टसहित पहिलेका कमीकमजोरी नयाँ सिरिजमा हटाएको कम्पनीले जनाएको छ । यसमा तीन जीबी ¥याम तथा ३२ जीबीको इन्टरनल मेमोरी रहेको छ, जसलाई एक सय २८ जीबीसम्म बढाउन सकिन्छ । पी ९ ५.२ इन्च डिस्प्लेका साथ तीन रङ गोल्ड, टाइटायानिक ग्रे र मिस्टिक सिल्भरमा उपलब्ध छ । फोनमा ६.१ ओएस प्रयोग भएको छ ।
प्रतिक्रिया दिनुहोस !
