प्युठानमा बाढी र पहिरोले १० जनाको मृत्यु
प्युठानः प्युठानमा पहिरोमा पुरिएर १० जनाको मृत्यु भएको छ । प्युठानका डिएसपी रञ्जीतसिंह राठौरले ४ जनाको खोलाले बगाएर र ६ जनाको पहिरोमा पुरिएर मृत्यु भएको अन्नपूर्ण अनलाइनलाई जानकारी दिए ।
राप्ती नदीमा आएको बाढीले चार जनालाई बगाएको र विभिन्न ठाउँमा गएको पहिरोले पुरेर अन्य ६ जनाको मृत्यु भएको डिएसपी राठौरले बताए ।
मृत्यु हुनेमा ६ जना पुरुष र ४ जना महिला छन् । प्युठानका विभिन्न गाविसमा पहिरोले पुरिएर दर्जनौ बेपत्ता भएका छन् । बाढी र पहिरोको पूर्ण विवरण आउन बाँकी नै रहेको प्रहरीको भनाइ छ ।
प्रतिक्रिया दिनुहोस !
७
