ट्याक्टरबाट खसेर एकको मृत्यु
कुश्माः पर्वत जिल्लाको देविस्थान गाविसमा गएराति ट्याक्टरबाट खसेर एकजनाको मृत्यु भएको छ ।
देविस्थान २ डिही स्थित कच्ची सडकमा फलेवासवाट कुमाल गाउँ तर्फ जादै गरेको ध१त २६८६ नम्वरको ट्याक्टरमा सवार देविस्थान गाविस–३ का १४ वर्षिय समिर माझीको ज्यान गएको हो ।
कच्ची बाटोमा तिब्र गतिमा गुडेकमो ट्याक्टर वाट खसेर घाईते भएका माझीको उपचारका लागि स्थानिय फलेवास स्वास्थ्य चौकीमा लैजादै गर्दा बिहीवार राति ९ बजे वाटोमा मृत्यु भएको जिल्ला प्रहरी कार्यालय पर्वतले जानकारी दिएको छ ।
उक्त ट्याक्टर चालक दिनेश गौतम र सवारीसाधन प्रहरी नियन्त्रणमा रहेको पनि प्रहरी निरिक्षक दिपक पातीलले जानकारी दिए ।
प्रतिक्रिया दिनुहोस !
७
