अन्नपूर्णका भाग्यशाली तीन ग्राहकलाई बाइक उपहार
काठमाडौँः अन्नपूर्ण ओएमजी ग्राहक योजना अन्र्तगत चौथो, पाँचौ र छैठौँ महिनाका भाग्यशाली तीन विजेतालाई बजाजको प्लाटिना मोटरसाइकल प्रदान गरिएको छ ।
बिहीबार एक कार्यक्रमका बीच चौथो महिनाका नविन खतिवडा (१७०८७), पाँचौका महिनाका संगम मगर (१८३३९) र छैठौँ महिनाका विजेता युवराज थापा (१६१८२) लाई बाइक प्रदान गरिएको हो ।
छैठौँ महिनाका विजेता मोरङका युवराज थापालाई अन्नपूर्ण पोष्टका नायब सम्पादक चूडामणि भट्टराईले बाइक प्रदान गरेका छन् । सँगै पाँचौ महिनाका बाइक विजेता संगम मगरलाई रोडशो रियल स्टेट प्रालिका तारा गुरुङले बाइक प्रदान गरे भने चौथो महिनाका बाइक विजेता नविन खतिवडालाई प्रभु म्यानेजमेन्टका निर्देशक दक्ष पौडेलले बाइक प्रधान गरे ।
चौथो र पाँचौ महिनाका विजेयता नविन र संगम धादिङ घाटबेसीका हुन् भने छैठौँ महिनाका विजेयता युवराज थापा मोरङ पथरीका हुन् ।
अन्नपूर्ण पोष्टले गत माघदेखि अन्नपूर्ण ओएमजी जहाँ छ सपना, त्यहाँ हुन्छ अन्नपूर्ण पोष्ट उपहार शुरु गरेको हो । उक्त उपहार अन्र्तगत साप्ताहिक घरायसी सामाग्री, मासिक मोटरबाइक र वार्षिक बम्पर उपहारमा चितवनमा रहेको फुल्ली फर्निस घर उपहार समावेश गरिएको छ ।
वार्षिक ग्राहक योजना पुस मसान्तासम्म नेपाल भर संचालन गरिने छ । ३४ सय रुपैयाँमा बार्षिक ग्राहक बन्दा तत्काल स्क्रयाच कार्ड मार्फत पाँच सय देखि ३४ सय रुपैयाँसम्म छुट साथै ल्यापटप, एलइडी, स्मार्टफोन, रेफ्रिजेनेरटर, सपिङ भौचर पाउन सक्छन् ।
प्रतिक्रिया दिनुहोस !
