मनोरञ्जनका क्षेत्रमा बलिउड सायद सबैभन्दा प्रख्यात उद्योग मानिन्छ । बलिउडमा स्थापित हुन ज्यानको बाजी थापेर सेलिब्रेटीहरू लागेका हुन्छन् । कतिपय स्थापित सेलिब्रेटी आफ्नो वर्चश्व कायम राख्न अनेकौं उपाय अपनाउँछन् । केही स्थापित कलाकार फिटनेस मेन्टेन गर्न अन्डाको सहारा लिँदै आएका छन् ।
सोनम कपुरः ब्राउन ब्रेडको साथमा अमलेट खान्छिन् । त्यसमा भिटामिन हुने र सुन्दरता कायम राख्न सहयोग गर्ने उनको विश्वास छ ।
आलिया भट्टः एगह्वाइट स्यान्विचको साथ कफी वा चिया पिउँछिन् । उनलाई अन्डा निकै मन पर्छ ।
रणवीर कपुरः अन्डाको सेतो भाग, प्रोटिन सेक र बदाम खानामा छुटाउँदैनन् । अन्डामा बायोटिन पाइने र यसले स्किन र कपाल स्वस्थ राख्छ भन्नेमा उनी विश्वस्त छन् ।
अक्षयकुमारः अमलेटसँग पराठा खान्छन् । उनले पनि प्रोटिन सेक पिउने गरेका छन् । अन्डामा क्याल्सियमको मात्रा पाइने भएकाले मसल्स बलियो राख्छ र बढ्दो उमेरलाई पनि फाइदा गर्छ भन्ने मान्यता उनको छ ।
ऋतिक रोशनः चारवटा अन्डाको सेतो भाग ब्राउन ब्रेडका साथ खान्छन् । अन्डामा भिटामिन डी हुने भएकाले यसले हड्डी बलियो बनाउँछ भन्ने विश्वास उनको छ ।
सलमान खानः आफ्नो डाइटमा अन्डा, बदाम र प्रोटिन सेक कहिल्यै छुटाउँदैनन् । अन्डामा फस्फोरस हुन्छ र यसले हड्डी बलियो बनाउँछ भन्ने उनको मान्यता छ ।
दीपिका पादुकोणः प्रत्येक दिन उनी चारवटा अन्डाको सेतो भागको अम्लेट खान्छिन् । उनको स्किन सुक्खा हुने समस्या भएकाले अन्डाले मुहारमा ग्लो बनाइराख्छ भन्ने मान्यता उनको छ ।
प्रतिक्रिया दिनुहोस !
