काठमाडौंः साफ च्याम्पियनसिप फुटबलको अर्को संस्करण बंगलादेशमा हुने भएको छ।
कोलम्बोमा बसेको दक्षिण एशियाली फुटबल महासंघ (साफ) को बोर्ड बैठकले साफ च्याम्पियनसिप फुटबलको संस्करण अर्को वर्ष बंगलादेशमा गर्ने निर्णय गरेको हो।
अल इन्डिया फुटबल महासंघका महासचिव कुसल दासका अनुसार बंगलादेशमा अर्को वर्ष साफ च्याम्पियनसिप फुटबल गर्ने निर्णय भएको र बाँकी विषयमा अर्को बैठकमा छलफल हुनेछा।
साफ च्याम्पियनसिप फुटबलमा भारत सबैभन्दा सफल टोली हो। भारतले अहिलेसम्म सात पटक साफ फुटबलको उपाधि उचालिसकेको छ।
गत जनवरीमा भारतमा भएको अघिल्लो संस्करणमा घरेलु टोली भारतले अफगानिस्तानलाई फाइनलमा २–१ गोल अन्तरले पराजित गर्दै सातौं पटक उपाधि उचालेको थियो।
प्रतिक्रिया दिनुहोस !
