पूर्व गृहमन्त्रीको गाडी त्रिशुलीमा खस्यो
काठमाडौँः पूर्व गृहमन्त्री एवम् पूर्वमुख्य सचिव माधवप्रसाद घिमिरे चढेको गाडी दुर्घटनामा मृत्यु भएका तीन जनाको सनाखत भएको छ ।
चैतन्य कुमारी घिमिरे, नारायण प्रसाद काफ्ले र रामचन्द्र कार्कीको सनाखत भएको चितवन प्रहरीले जानकारी दिएको छ।
चितवनका प्रमुख जिल्ला अधिकारी विनोदप्रकाश सिंहका अनुसार मृत्यु हुनेमा घिमिरेकी आमा, आफन्त रामचन्द्र कार्की र सुरक्षागार्ड सशस्त्र प्रहरीका प्रहरी सहायक निरीक्षक नारायण काफ्ले हुन् ।
मुक्तिनाथको दर्शन गरेर फर्कदै गर्दा पूर्व गृहमन्त्री चढेको बा ९ च १५१३ नम्बरको गाडी चितवनको दाह्रेचोक गाविस-३ को घोप्टेभिरबाट त्रिशुली नदीमा खसेको थियो ।
चालकले हाम फालेर ज्यान जोगाएका छन् । घाइते चालक विष्णु राईलाई उपचारका लागि भारतपुर लगिएको छ । पूर्व गृहमन्त्री घिमिरेसहित तीनजना बेपत्ता छन् ।
प्रतिक्रिया दिनुहोस !
३
