इस्लामाबाद: पाकिस्तानको पूर्वी क्षेत्र पञ्जाब प्रान्तको रहिम यारखान जिल्लामा भएको बस दुर्घटनामा परी मृत्यु हुनेको सङ्ख्या ३० पुगेको छ।
सोमबार बिहान ६ बजेतिर एक ट्रकलाई उछिन्दै अगाडि बढ्ने क्रममा विपरित दिशाबाट आएको एक अर्को बससँग ठोक्किँदा भएको सडक दुर्घटनामा ३० जनाको मृत्यु भएको छ भने कम्तिमा ५० जना घाइते भएको प्रहरीले बताएको छ ।
घाइते सबैजनालाई स्थानीय अस्पतालहरुमा उपचारका लागि भर्ना गरिएको बताइएको र घाइते केही यात्रुको अवस्था स्थिर रहेको मन्सुरस्थित शेख जायद अस्पतालका आपतकालीन सेवा विभागका निर्देशकले बताएका छन् ।
पाकिस्तानका प्रधानमन्त्री नवाज सरिफले घटनाप्रति दुःख व्यक्त गर्दै घटनाको तत्काल छानबिन गरी सरकारलाई प्रतिवेदन बुझाउन स्थानीय प्रशासनलाई निर्देशन दिएका छन्। प्रधानमन्त्री सरीफले मृतकको आत्माको शान्तिका लागि प्रार्थना गरेका छन्।
उनले घाइतेजनलाई स्तरीय उपचारको बन्दोबस्त मिलाउनसमेत सथानीय प्रशासनलाई निर्देशन दिए।रासस/सिन्ह्वा
प्रतिक्रिया दिनुहोस !
