सामसुङ एसयूएचडी टिभी हस्तान्तरण
काठमाडौः नेपालका लागि सामसुङ इलेक्ट्रोनिक्स एण्ड होम एप्लायन्सको आधिकारिक वितरक हिम इलेक्ट्रोनिक्स प्रालिले दोेस्रो पुस्ताको क्वान्टम डट टेक्नोलोजीयुक्त एसयूएचडी टिभी प्रि–बुक गर्ने पहिलो ग्राहकलाई टिभी हस्तान्तरण गरेको छ । उक्त टिभी नेपालमा पहिलो पटक सार्वजनिक गरिएको थियो ।
कम्पनीले नैंकाप तिनथाना सिभिलहोम निवासी विक्रम प्रसाद साहलाई एसयूएचडी टिभी हस्तान्तरण गरेको हो । सामसुङ् प्लाजाकी निर्देशक सिमा गोल्छाले राजधानीमा आयोजित एक कार्यक्रममा पहिलो प्र्रि–बुक गर्ने बिक्रम प्रसाद साहलाई एसयूएचडी टिभी हस्तान्तरण गरेकी हुन् ।
साहले ५५ इन्चको उक्त टिभी गत असार २८ गतेदेखि भदौ ३० सम्मको अवधिमा बुकिंग गरेका थिए । उक्त टिभीका साथमा साहले ८८ हजार नौ सय मूल्य बराबरको सामसुङ् ग्यालेक्सी एस सेभेन तथा सामसुङ् गियर भिआर उपहार स्वरुप प्राप्त गरेका छन् ।
दसैं र तिहारको अवसरमा कम्पनीले २०७३ भदौ ३० देखि २०७३ कात्तिक ३० गतेसम्म विशेष क्यास ब्याक उपहारसहित ५५ इन्चको टिभी तिन लाख ७० हजारमा र ६५ इन्चको पाँच लाख ७० हजारमा उपलव्ध हुने जनाएको छ ।
प्रतिक्रिया दिनुहोस !
