काठमाडौः नेपाल हस्तकला महासंघको ४४ औं वार्षिकोत्सव तथा पाँचौं हस्तकला दिवस मनाइएको छ । नेपाल सरकारका उद्योग राज्यमन्त्री कञ्चनचन्द्र श्रेष्ठको प्रमुख आतिथ्यमा महासंघले आफ्नो वार्षिकोत्सव मनाएको हो ।
पाँचौं हस्तकला दिवसका अवसरमा आ-आफ्नो संघमा हस्तकलासम्बन्धी कार्यक्रम आयोजना गर्न महासंघले सबै सदस्यलाई अनुरोध गरेको छ ।
कार्यक्रममा महासंघका अध्यक्ष धर्मराज शाक्यले नेपाली हस्तकला व्यवसाय भनेको नेपालको पहिचान बोक्ने क्षेत्र भएकाले यस क्षेत्रको विकास, विस्तार र प्रवद्र्धनमा नेपाल सरकारले यथोचित सहयोग गर्नुपर्ने बताए ।
उनले नेपाली हस्तकला क्षेत्रले रोजगारी प्रवद्र्धनका साथै गरिबी न्युनिकरणमा सहयोग पुर्याएको र निर्यातमार्फत आयात प्रतिस्थापन गरेकाले यस क्षेत्रको विकासमा सरकारको गम्भीर ध्यानाकर्षण हुनुपर्ने बताए ।
हस्तकला दिवसकै अवसरमा परम्परागत हस्तकलाका वस्तु एवं बाह्रौं हस्तकला प्रतियोगिताका सहभागीले तयार पारेका सामग्री प्रदर्शनी गरिएको संघले जनाएको छ ।
प्रतिक्रिया दिनुहोस !
