काठमाडौंः नबिल बैंक कर्मचारी सघंले रक्तदान कार्यक्रमको आयोजना गरेको छ । संघले आफ्नो २२ औं वार्षिकोत्सवका अवसरमा गत शनिबार नबिल बैंकको प्रधान कार्यालयमा रक्तदान कार्यक्रमको आयोजना गरेको हो ।
उक्त कार्यक्रममा ७० जना बैंकका कर्मचारी तथा उनीहरूका परिवारले रक्तदान गरेका थिए । रक्तदातालाई नबिल बैंक कर्मचारी सघंबाट प्रशंसापत्र प्रदान गरिएको थियो । रक्त अभावलाई ध्यानमा राख्दै नबिल बैंक कर्मचारी सघंले आफ्नो वार्षिकोत्सवका दिन हरेक वर्ष रक्तदान कार्यक्रम आयोजना गर्दै आएको छ ।
आगामी दिनमा यस्ता कार्यक्रम काठमाडौं उपत्यका भन्दा बाहिरका ठाउँमा पनि सञ्चालन गरिने संघले जनाएको छ । नेपाल रेडक्रस सोसाइटीले निरन्तर रूपमा रक्तदान कार्यक्रम गरी रक्त संकलनमा सहयोग गरेकोमा संघको योगदानको कदर गरेको छ ।
प्रतिक्रिया दिनुहोस !
