काठमाडौंः द ब्रिटिस कलेजले आफ्ना विद्यार्थीको नविन व्यावसायिक सोचलाई व्यवसायमा रुपान्तरण गर्ने उद्देश्यले योङ इन्टरप्रेनर्स सोसाइटी (एस) सुरु गरेको छ ।
बिहीबार एक कार्यक्रमकाबीच कलेजले सोसाइटीको औपचारिक सुरुवात गरेको हो । कार्यक्रमका प्रमुख अतिथि एवं उद्यमी राजेन्द्र खेतानले उक्त सोसाइटीको उद्घाटन गरेका थिए । उनले नेपालमा बस्तुको माग र आपूर्तिको अवस्थाबारे योङ इन्टरप्रेनर्स सोसाइटीमा आवद्ध विद्यार्थीलाई बताएका थिए ।
कार्यक्रममा कलेजका डाइरेक्टर महेन्द्र कँडेल र प्रिन्सिपल माइकल बान्र्सले अभियानको स्वागत गर्दै सिर्जनात्मक कार्यक्रमलाई निरन्तर सहयोग गर्ने प्रतिवद्धता व्यक्त गरे । स्नातकोत्तर तहका विद्यार्थी सुभद्रा श्री राजभण्डारी, कृष्णबहादुर सिंह, सफल श्रेष्ठ र आह्वान श्रेष्ठले योङ इन्टरप्रनेर्स सोसाइटीको स्थापना गरेका हुन् ।
उद्यमी खेतानलाई सोसाइटीको पहिलो सदस्यका रूपमा स्वागत गरिएको थियो । द ब्रिटिस कलेजले बेलायतको लिड्स बेकेट युनिभर्सिटी र युनिभर्सिटी अफ वेस्ट इङल्यान्डको सम्बन्धनमा बीबीए, बीएस्सी कम्प्युटिङ, एमएस्सी इन्टरनेसनल म्यानेजमेन्ट, एमबीए र एमबीए (एक्जुकेटिभ) लगायतका कार्यक्रम अध्यापन गराउँदै आएको छ ।
प्रतिक्रिया दिनुहोस !
