जेरुसेलमः रमाल्लाहको वेस्ट बैंक सिटीमा आइतबार राति इजरायली सैनिकसँग भएको दोहोरो गोली हानाहानमा परी एक प्यालेटाइनीको मृत्यु भएको इजरायली सैनिक स्रोतले जानकारी दिएको छ ।
नाम नखुलाइएका एक प्यालेस्टानी व्यक्तिलाई गिरफ्तार गर्न उनको घरमा पुगेका इजरायली सैनिकलाई ती व्यक्तिले गोली प्रहार गरेपछि इजरायली सैनिकले गरेको जवाफी कारबाहीमा उनको मृत्यु भएको जनाइएको छ । यसै घटनामा इजरायली सैनिकको गोली प्रहारबाट दुई प्यालेस्टाइनी घाइते भएको पनि बताइएको छ ।
सन् २०१५ को अक्टोबरबाट इजरायल र प्यालेटाइनबीच सुरु भएको हिंसामा परी हालसम्म दुर्इ सय ५४ प्यालेस्टाइनी, ४० इजारायली, दुई अमेरिकन र एक जोर्डानी र एक सुडानीको मृत्यु भएको एएफपी समाचार ससितिले जानकारी दिएको छ । रासस/एएफपी
प्रतिक्रिया दिनुहोस !
