काठमाडौं : प्रधानमन्त्री पुष्पकमल दाहाल ‘प्रचण्ड' र नेपालका लागि हंगेरियन राजदूत ग्युला पेथोबीच भेटवार्ता भएको छ ।प्रधानमन्त्री निवास बालुवाटारमा शुक्रबार बिहान भएको भेटमा दुईपक्षीय, विकास र समसामयिक राजनीतिक परिस्थितिका विषयमा छलफल भएको थियो ।
भेटमा प्रधानमन्त्रीले विश्व विकासको बहुआयमिक सम्भावनातिर लम्किरहेको र नेपालले पनि राजनीतिक स्थिरता, विकास र समृद्धिको मार्ग पछ्याइरहेको बताउनुभयो । ‘अहिलेको विश्व विकासको बहुआयमिक सम्भावनातिर लम्किरहेको छ ।
नेपालले पनि विकास र समृद्धिको मार्ग पछ्याइरहेको छ । यस वर्ष हामीले नेपालमा लगानी सम्मेलन गर्यौं । लगानीका निम्ति अनुकूल वातावरण बनिरहेको छ, आर्थिक वृद्धिदर विगतको तुलनामा उत्साहवद्र्धक छ, राजनीतिक स्थिरताको वातावरण बनिरहेको छ ।' दाहालले भन्नुभयो ।प्रधानमन्त्री दाहालले निर्वाचनले जनतामा ठूलो उत्साह पैदा गरेको र एकैचोटी हजारौं जनप्रतिनिधिहरु निर्वाचित भएर आउँदा राजनीतिक स्थिरता र विकासले गति लिने बताउनु भयो ।
भेटका अवसरमा राजदूत पेथोले पछिल्लो समयमा नेपालले हासिल गरेको आर्थिक प्रगतिप्रति खुसी व्यक्त गर्दै नेपालको विकास र राजनीतिक स्थिरताका लागि हंगेरियाको सधैं सहयोग र सद्भाव रहने बताउनु भयो ।
प्रतिक्रिया दिनुहोस !
