दिल्ली बलात्कार काण्डका चार दोषीलाई फासीको सजाय
![दिल्ली बलात्कार काण्डका चार दोषीलाई फासीको सजाय](https://annapurnapost.prixacdn.net/media/albums/India-590c4f6cb725a5.87190327_XnWdfpj8SX.jpg)
नयाँदिल्ली : भारतको सर्वोच्च अदालतले नयाँ दिल्लीमा बसमै छात्रालाई समूहिक बलात्कार गर्ने चार दोषीलाई फासीको सजाय सुनाएको छ। शुक्रबार तल्लो अदालतको फैसलाको आधारमा त्यहाँको सर्वोच्च अदालतले दोषी मुकेश, पवन, विनय शर्मा र अक्षयकुमार सिंहलाई फासीको सजाय सुनाएको हो ।
भारतको राजधानी नयाँदिल्लीमा सँगै भएका साथीलाई बसबाट फालेर १६ डिसेम्बर २०१२ मा छात्राको सामूहिक बलात्कार भएको थियो । बलात्कारमा संलग्न भएको अरोपमा १८ डिसेम्बर २०१२ मा राम सिंह, मुकेश, विनय शर्मा र पवन गुप्ता पक्राउ परेका थिए भने डिसेम्बर २१ मा अक्षय ठाकुर बिहारबाट पक्राउ परेका थिए ।
पीडित छात्राको २९ डिसेम्बर २०१२ मा सिंगापुरको एक अस्पतालमा उपचारको क्रममा मृत्यु भएको थियो। भारतीय सर्वौच्च अदालतदले शुक्रबार सन् २०१२ मा भएको सामूहिक बलात्कार र हत्या काण्डका चार व्यक्तिलाई मृत्यु दण्डको सजायलाई समर्थन गरेको हो।
सन् २०१२ को डिसेम्बरमा नयाँ दिल्लीस्थित एक २३ वर्षीया छात्रालाई सामूहिक बलात्कार र हत्याको प्रयास भएको थियो । यस घटनापछि अस्पताल भर्ना भएकी ती विद्यार्थीको केही दिनपछि मृत्यु भएको थियो ।
मृत्यु दण्डको सजाय सुनाइएका ती चार अपराधीले मृत्यु दण्डविरुद्ध अदालतमा अपिल गरेका थिए । सोही अपिलको सुनवाईको क्रममा शुक्रबार अदालतले मृत्यु दण्डको समर्थनमा फैसला गरेको हो।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)