दमक : झापाको शिवसताक्षीमा शुक्रबार यात्रुवाहक बसको ठक्करबाट मोटरसाइकलमा सवार एकजनाको मृत्यु भएको छ।
पूर्वपश्चिम राजमार्गअन्तर्गत शिवसताक्षी ११ स्थित दूधेमा पश्चिमबाट पूर्वतर्फ जाँदै गरेको को १ ख ४८९२ नम्बरको बसले विपरीत दिशाबाट आउँदै गरेको अन टेस्ट मोटरसाइकललाई ठक्कर दिँदा मोटरसाइकल चालक कनकाई नगरपालिका ३ का २४ वर्षीय लक्ष्मण दाहालको मृत्यु भएको हो ।
बसको ठक्करबाट गम्भीर घाइते दाहालको उपचारका क्रममा बिर्तामोडस्थित बी एन्ड सी अस्पतालमा मृत्यु भएको इलाका प्रहरी कार्यालय झिलझिलेले जनाएको छ । ठक्कर दिने बस र चालकलाई इलाका प्रहरी कार्यालय झिलझिलेले नियन्त्रणमा लिएको छ ।
प्रतिक्रिया दिनुहोस !
