ब्रसेल्स : बेनेलक्स र युरोपेली युनियनका लागि भुटानी राजदूत पेमा चोदेनले भगवान गौतम बुद्धको जन्मस्थान लुम्बिनीलाई बिश्वमा चिनाउने अभियानलाई उत्कृष्ट कार्यको संज्ञा दिनु भएको छ ।
लुम्बिनी कपिलवस्तु बिश्व अभियानले लुम्बिनीको तस्विर उपहारस्वरुपमा हस्तान्तरण गर्ने क्रममा राजदूत पेमा चोदेनले त्यस्तो प्रतिक्रिया दिनु भएको हो ।
यस्तो अभियानले गरेका कार्यहरु उत्कृष्ट र बिश्व शान्तिका लागि धेरै महत्व राख्ने राजदूत पेमा चोदेनले बताउनुभयो ।
अभियानका यूरोप सल्लाहकार तथा लुम्बिनी कपिलवस्तु विश्व अभियान बेल्जियमका अध्यक्ष दामोदर प्रसाद आचार्यले राजदूत चोदेनलाई लुम्बिनीको तस्विर र अन्य अध्ययन सामग्री हस्तान्तरण गर्नु भएको थियो । ब्रुसेल्सस्थित भुटानको राजदूतावासमा भएको भेटमा आचार्यले राजदूत चोदेनलाई ब्रुसेल्समा भएको अन्तराष्ट्रिय सम्मेलनमा प्रस्तुत भएका कार्यपत्र र प्रबर्धनात्मक सामग्री उपहार स्वरुप प्रदान गर्नु भएको थियो ।
प्रतिक्रिया दिनुहोस !
