कार्टुन क्रुजको ‘जताजता पिरितको बाटो..’ बोलको भिडियो सार्वजनिक

काठमाडौं : ‘जता जता पिरतीको बाटो’ बोलको सरोज ओलीको गीतको म्युजिक भिडियो सार्वजनिक भएको छ । मंगलबार युट्युबमार्फत् सार्वजनिक भएको भिडियोमा ‘कार्टुन क्रुजलाई खेलाइएको छ ।

ओलीको श्वरमा सजिएको गीतलाई शुभम मिडिया होमले बजारमा ल्याएको हो । गतबर्ष सार्वजनिक भएको पल शाह र धुर्मुस सुन्तली अभिनित ‘तिमीलाई देखेपछि आई लभ यु भन्न मन लाग्यो’ गीतको सिक्वेलको रुपमा गीत आएको हो ।

गीतमा दिनेश थपलियाको शब्द तथा चर्चित संगीतकार बसन्त सापकोटाको संगीत रहेको छ । उदयराज पौडेलको एरेन्जमा तयार भएको गीतको भिडियोलाई संजय लामाले खिचेका हुन् । पोखराका रमणीय स्थानमा छायांकन भएको भिडियोमा पल शाहलाई पनि फिचरिङ गरिएको छ । भिडियोमा कार्टुन क्रुजका मेम्बरको कमेडी पाटोलाई देखाइएको छ।

कार्टुन क्रुजका सरोज अधिकारीले आफूहरुका लागि कमब्याक भिडियो रहेको बताएका छन् । ‘हाम्रा भिडियोहरु पहिला धेरै नै रुचाइन्थ्यो भने कतिले एउटै स्टेपहरु भयो भनी प्रतिक्रियाहरु आउथ्यो ति सबै प्रतिक्रियाहरुलाई मध्यनजर गरेर हामीहरुले यो भिडियो बनाएका हौँ ।’