राजेन्द्र र राजनको तीज गीत 

काठमाडौं : आधुनिक गीतका प्रभावशाली रचनाकार राजेन्द्र थापाले तीज गीत पनि रचना गरेका छन् । थापाको शब्दमा अहिले चल्तीमा रहेका संगीतकार राजनराज शिवाकोटीले संगीत भनेका छन् भने सरिता शाहीले स्वर दिएकी छन् । श्रोतादर्शकमाझ आएको यो गीतको भिडियोमा आशिष्मा नकर्मी र लोमश शर्माले मोडलिङ गरेका छन् ।
गर्ने भए यो ज्यानको तेल मालिस
ल्याउने भए फिरेन्च नेल पालिस
जानु जानु जानु गएर ल्याउनु
शिवजीको विशेष सिफारिस ।
नेपाली आधुनिक संगीतमा राजेन्द्र थापाका गीतले राम्रो स्पेस ओगटेको छ । ‘यसपालि त मनै फाट्यो', ‘पर लैजाऊ पूmलहरू', ‘क्या दामी भो', ‘दर्शन नमस्ते', ‘ठुँग दे', ‘गाला रातै'जस्ता नयाँपुराना गीतले श्रोतादर्शकको मन जितेको छ । लगभग पाँच दशकदेखि गीत रचनामा क्रियाशील थापासँग ‘सुर्के थैली खै', ‘पूर्वपश्चिम रेल', ‘कुटुमा कुटु'जस्ता सुपरहिट गीतका संगीतकार शिवाकोटीको सहकार्यमा तीज गीत तयार भएको हो । तीज गीतमात्रै होइन; गीतकार थापा र संगीतकार शिवाकोटीले ‘चंगा', ‘हुर्रे'जस्ता चलचित्रमा पनि सहकार्य गरेका छन् ।