काठमाडौँ : गायक तथा संगीतकार तुला पर्वतको संगीतमा गायिका सविना अधिकारीको स्वरमा सजिएको तीज गीत सार्वजनिक भएको छ। ‘हातैमा चुरा’ बोलको गीतको म्युजिक म्यूजिक भिडियो सार्वजनिक भएको हो। गीतकार राजेन्द्र गौतमका शब्द रहेको गीतमा गायिका सविना सलल बगेकी छिन्।
गीतको भिडियोमा पछिल्लो समय खुबै रुचाइएकी मोडल तथा गायिका श्रृषा कुँवरको अभिनय छ। श्रृषालाई मोडल अनिष मगरले साथ दिएका छन्।
किशोरीले आफ्नो प्रेमीको कल्पना गर्दै हातमा चुरा पोते लगाउने, सिउँदोमा सिन्दुर सजाउने र डोली चढेर आफ्ना बेहुलालाई भेट्ने ग्रामीण परिवेशको यथार्थलाई आफ्नो कल्पनामा उतारेको कुरालाई भिडियोमा देखाइएको छ।
भिडियोको निर्देशन निर्देशक युवराज वाइवाले गरेका गरेका हुन् भने निशान घिमिरेले सम्पादन गरेका हुन्। उत्सब दाहालले छायांकन गरेको भिडियोमा राम अधिकारीको लगानी रहेको छ। ड्रिम्स स्टुडियोमा रेर्कड गरिएको गीतलाई वाइड स्क्रिन मिडियाले बजार व्यवस्थापन गरेको छ।
प्रतिक्रिया दिनुहोस !
