प्रजिता भइन् मिस टिन पूर्वाञ्चल
धुलाबारी : मिस टिन पूर्वाञ्चल २०१७ को ताज झापा बिर्तामोडकी प्रजिता पाठकले जितेकी छन् । बिर्ता मिडिया एन्ड इन्टरटेन्मेन्ट प्रालि र धुलाबारी जेसीजले आयोजना गरेको मिस टिन पूर्वाञ्चलको शनिबार धुलाबारीमा सम्पन्न फिनालेमा पाठकले ताज जितेकी हुन् ।
प्रतियोगितामा २६ जना प्रतिस्पर्धीलाई उछिन्दै पाठक विजेता बन्न सफल भइन् । त्यस्तै, फस्ट र सेकेन्ड रनरअपको ताज क्रमशः झापा बिर्तामोडकै पूजा प्रधान र बिर्तामोडकै नविना विश्वकर्माले जितेका छन् ।
विजेताहरुलाई नेपाल तथा भारतका विभिन्न कलेजमा अध्ययनका लागि छात्रवृत्रि लगायत विभिन्न अवसरहरु प्रदान गरिएको आयोजक संस्था बिर्ता मिडिया एन्ड इन्टरटेन्मेन्ट प्रालिका अध्यक्ष एलसी श्रेष्ठले जानकारी दिए ।
प्रतिक्रिया दिनुहोस !
