नेपाल आइडलका चारै प्रतिस्पर्धी सुरक्षित (फोटोफिचर)

काठमाडौं : विश्व चर्चित टेलिभिजन फ्रेन्चाइज आइडलको नेपाली संस्करण ‘नेपाल आइडल’ छनोटको अन्तिम चरणमा आइपुगेको छ । अन्नपूर्ण मिडिया नेटवर्कद्वारा सञ्चालित एपी वान टेलिभिजनबाट हरेक साताको बिहीबार र शुक्रबार प्रसारित गायनमा आधारित ‘रियालिटी सो’ हो, नेपाल आइडल । लुकेर रहेका गायन प्रतिभालाई स्टेजमा ल्याएर गाउन सक्ने र पहिचान दिन देशका प्रमुख शहर नेपालगन्ज, बुटवल, नारायणगढ, वीरगन्ज, विराटनगर, पोखरा र काठमाडौं अडिसनबाट छनोट गरिएका एक सय ५१ जनाबाट प्रताप दास, सागर आलेमगर, निशान भट्टराई र बुद्ध लामा ‘टप फोर’ नेपाल आइडलको प्रतिस्पर्धामा छन् ।

गाला राउण्डको टप फोरको रिजल्टको पतिक्षाले सबैको मुटु धड्किइरहेका बेला शुक्रबार इलिमिनेसन डे भए पनि कुनै प्रतिस्पिर्धी बाहिरिएनन् । बिहीबारको शो हेरेर विश्वभरका दर्शकले ३७ लाख बढी भोट गरेका थिए । जजले पावर प्रयोग गरेर चारै जना प्रतिस्पर्धीलाई अर्को हप्तासम्म सुरक्षित गरेका हुन्। यो हप्ता आएको भोट अर्को हप्ता आएको भोटमा जोडिएपछि मात्र चार जनाबाट एकजना बाहिरिने आयोजकले बताएका छन्।

 तस्बिर: रजेन्द्र केसी

हजार सपनाको एउटै मञ्च ‘नेपाल आइडल’