बीस वर्षभन्दा पहिला कार दुर्घटनामा ज्यान गुमाएकी ‘प्रिन्सेस अफ वेल्स' डायनाले अन्तिम शब्द के बोलेकी थिइन् भनेर कौतूहलपूर्वक खोजिएको छ । डायनाले ‘माई गड, ह्वाट ह्यापेन्ड' भनेको उनलाई उद्धार गर्न गएका फायर फाइटर जेभियर गौरमेलोनले बताएका छन् ।
उनी डायनाको कार दुर्घटना हुनेबित्तिकै बचाउन पुगेका थिए । विश्वमै चर्चित डायना सन् १९९७ मा पेरिसमा कार दुर्घटनामा परेपछि तत्काल जीवितै भएको जेभियरले दाबी गरेका छन् । जब उनी दुर्घटना भएको स्थानमा पुगे, त्यहाँ एउटा सुन्दर महिला कारभित्र देखे, उनको कपाल एकदमै स्टाइलिस्ट र राम्रो सुहाएको थियो । उनको अनुहारमा एक थोपा पनि रगत थिएन ।
उनको दाहिने काँधमा केही चोट देखिएको थियो । तर, शरीरको कुनै पनि भागमा केही चोट देखिएको थिएन । ‘मैले सोचेँ, उनलाई खासै केही भएको छैन । उनलाई एम्बुलेन्समा लिएर गएँ, उनी ठीकठाक होलिन् भनेर बोलाएँ । उनले माई गड, ह्वाट ह्यापेन्ड भनेकी थिइन्', जेभियरले भनेका छन् । उनले ती घाइते राजकुमारी डायना हुन् भन्ने थाहा नपाएको बताएका छन् । तर, दुर्घटनाकै कारण अस्पताल पुगेपछि उनको मृत्यु भएको थियो । –एजेन्सी
प्रतिक्रिया दिनुहोस !
