२५० सय ग्रामको असिना : २० प्रतिशत फलफूल नष्ट

नेपालगन्ज : आइतबार साँझ परेको साढे दुई सय ग्रामको असिनाले बाँकेमा घर, फलफूल, तरकारी र अन्नबालीमा क्षति पुगेको छ । यति ठूलो असिना परेकोमा स्थानीय आश्चार्य चकित छन् । साँझ साढे ६ बजेतिर करिब १० मिनेट परेको असिना र हावाहुरीले जिल्लाका डुडुवा गाउँपालिका र कोहलपुर नगरपालिकाकमा बढी क्षति पुगेको छ ।

कोहलपुर नगरपालिकाका वागवानी विकास अधिकृत शेरबहादुर ओलीका अनुसार एक पाउको असिनाले आँप, तरकारीलगायतमा क्षति पुगेको छ ‘२० प्रतिशत फलपूmल र तरकारीमा क्षति पुगेको छ’, उनले भने, ‘१० मिनेट मात्र परेकाले क्षति कम भएको हो । लामो समय परेको भए अझै बढी क्षति हुने थियो ।’ तरकारी र फलपूmल घाइते भएकाले थप क्षति हुने उनले बताए ।

डुडुवा गाउँपालिकाको वडा नंं १ होलिया, २ बेतहानी, ३ बनकट्टी, ४ कम्दी र ६ हिरिमिनियामा रहेका केही टायलको छानामाथि क्षति पु¥याएको छ, भने किसानहरुले लगाएका विभिन्न तरकारी बाली, मकै, गहँुलाई समेत क्षति पुर्‍याएको किसानहरु बताउँछन । वडा नं. ५ मा पर्ने जब्दहवा, तिलकपुर, दलैपुर लगायतका क्षेत्रमा रहेका अधिकांश छानाका टायलहरु फुटेका छन् । माटोका खपडाले बनेका घरहरुमा पनि क्षति पुगेको छ ।

 डुडुवा गाउँपालिकाका ५ दलैपुरका का ८२ वर्षीया टिकाराम दमाइले आफूले पहिलो पटक यति ठूलो असिना परेको बताए । डुडुवा –५ जब्दहवाका वीरेन्द्र खड्काले मकै बाली नष्ट भएको बताए । उनको घरको टायल पनि धेरै ठाउँमा फुटेको छ । उनले भने, ‘घरमा भएका अन्न सबै भिजेको छ ।’जब्दहवाकै विशुराम थारुले पनि असिनाले टायल फुटेपछि घरमा भएका गहुँ, मसुरो, तोरी, धान, चामल सबै अन्न भिजेको बताए ।

क्षतिबारे गाउँपालिकाको टोलीले सोमबार नै अनुगमन गरेको थियो । गाउँपालिकाका अध्यक्ष नरेन्द्रकुमार चौधरी ‘पप्पु’ले गाउँपालिकाका एक हजारभन्दा बढी घरमा क्षति पुगेको दाबी गरे । ‘गाउँपालिकाले पर्सीदेखि क्षतिको लगत संकलन गर्छ’, उनले भने, ‘गाउँपालिकाले निर्णय गरी तत्कालै केही राहात प्रदान गरिनेछ । थप राहातका लागि जिल्ला दैवीप्रकोप, प्रदेश र केन्द्र सरकारसँग मागिनेछ ।’

 त्यसैगरी हावाहुरीले नेपालगन्ज उपमहानगरपालिका लगायत जिल्लाका विभिन्न क्षेत्रमा पनि क्षति पुगेको छ ।नेपालगन्ज उपमहानगरपालिका २० को नयाँबस्ती, थपुवा, गुन्नपुर, मदनापुरमा उप प्रमुख उमा थापा मगर लगायतको टोलीले सोमवार अनुगमन गरेको थियो । सो स्थानमा मात्र टायलका ५० बढी घरमा क्षति पुगेको उपमहानगरका प्रेस सल्लाहकार शुक्रऋषि चौलागाईले जानकारी दिए । 

हावाहुरीका कारण जिल्लाको विद्युत सेवा अनियमित भएको छ । आइतबार रातीदेखि सोमबार मध्यान्न १२ बजेतिर मात्र विद्युत सेवा सुचारु भएको थियो । विद्युत सेवा अझैं सबै ठाउँमा नियमित हुन सकेको छैन । त्यसैगरी असिनापानीले नेपालगन्ज–कोहलपुर सडकखण्डको पार्वतीपुरमा रहेको वर्षा रिसाइक्लिन इण्डष्टिजले करिव अढाइ करोड बराबरको क्षति व्यहोर्नु परेको सञ्चालक कन्हैयालाल बैद्यले जानकारी दिए ।

उनले भने, ‘कारखानाको सबै छाना करिव एक लाख २५ हजार स्वायर फिटमा लगाइएको सिमेन्टको टायल सबै फुटेर पानी पस्दा करोडौको क्षति पुगेको छ ।’ 
असिनासंगै आएको पानीका कारण उत्पादन भएर बजारमा पठाउनको लागि तयारी अवस्थामा रहेको अल्मुनियम र तामाका सामाग्री पनि विग्रिएको र पुन सबै प्रोसेसिङ्ग गर्नु पर्ने अवस्था आएको ईण्डस्ट्रिजका आरके जैनले जानकारी दिए ।