र्याफ्टिङमा आन्तरिक पर्यटकको आकर्षण
पोखरा : बागलुङकी आशिका कुँवर शनिबार कालीगण्डकीमा पहिलोपटक रमाउँदै र्याप्टिङ गरिन् । विदेशीलेमात्र र्याफ्टिङ गरेको देखेकी उनले साथीभाइ मिलेर छुट्टीको मौकामा पहिलोपटक र्याफ्टिङ गरेको सुनाइन् ।
बागलुङकै सौरभ केसी पनि कालीगण्डकीमा शाहसिक र्याफ्टिङ खेलमा रमाइरहेका थिए । कुनै बेला विदेशी पर्यटकले मात्र खेल्ने शाहसिक र्याफ्टिङ खेलमा पछिल्लो सयमा आन्तरिक पर्यटकको पनि आकर्षण बढेको हो । सेता हिमाल हेर्दै हिमालबाटै आएको पानीमा रमाउन विदेशी पर्यटक लालायित हुन्छन् । कालीगण्डकीमा तीन दिनको र्याफ्टिङ गर्न सकिन्छ । नदी किनारमा टेन्ट गाडी आराम गर्दै पर्यटकले म्याग्दीको बेनीबाट सुरु गरेको र्याफ्टिङ तीन दिनमा गुल्मीको मिर्मीसम्म पुग्ने गर्दछन् ।
नेपालको पर्यटन भनेको शाहसिक गतिविधि हो । त्यसैले केही नदीलाई र्याफ्ङिकै लागि संरक्षण गर्नुपर्ने रेजिङ रिभर रनर (स्विसा) का सञ्चालक मिलन तिवारी बताउँछन् । आन्तरिक पर्यटकलाई लक्षित गरी कालीगण्डकीमा एक दिन, दुई दिनको र्याफ्टिङ पनि सञ्चालनमा ल्याइएको उनले सुनाए ।
विश्वका अन्य मुलकभन्दा लामो दूरीसम्म र्याफ्टिङ गर्न सकिने भएका कारण जलयात्राका लागि नेपाल प्रख्यात रहेको यस क्षेत्रमा लागेको व्यवसायी बताउँछन् । त्रिशूली, भोटेकोसीलगायत चर्चित नदीमा विद्युत् उत्पादनका लागि बाँध बन्दै जानुले र्याफ्टङ गर्ने अवधि घट्यो । नदीमा प्रदूषण बढ्नु र अवैज्ञानिक रूपमा नदीको दोहन बढ्दै जाँदा विदेशी पर्यटक पछिल्लो समयमा कम आउन थालेको टे«किङ एजेन्सिज एसोसिएसन अफ नेपाल (टान) पश्चिमाञ्चल क्षेत्रीय संघ पोखराका अध्यक्ष दीपक अधिकारीले बताए ।
नेपालको साहसिक खेल र्याफ्टिङ र पदयात्रा यात्रा एक अर्कासँग जोडिएर आउने पर्यटकको रोजाइका गतिविधि भएको उनले सुनाए । अन्नपूर्ण पदयात्रा क्षेत्रमा वैकल्पिक पदयात्रा मार्ग नबनाइ सडक लग्दा २१ दिनको पदयात्रा सात दिनमा झरे जस्तै नदीको जथाभावी दोहोन गरिदा र्याफ्टिङपर्यटन पनि समय घट्दै गएको पर्यटन व्यवसायी बताउँछन् ।
नदी संरक्षण गरौं, शाहसिक खेल र्याफ्टिङ पर्यटनको विकास गरौं भन्ने नाराका साथ टान पोखराको आयोजनामा शनिबार र्याफ्टिङ खेलको आयोजना गरि मनाइएको छ । टे«किङ एजेन्सिज एसोसिएसन अफ नेपाल (टान) पश्चिमाञ्चल क्षेत्रीय संघ पोखरा २५ वर्ष पुगेको अवसरमा प्राकृतिक स्रोतको संरक्षण र विकास गर्न सरकार संग माग गरिएको अधिकारीले बताए ।