गोरखा : मनकामना मन्दिरमा ३६ तोलाको सुुनको गजुुर प्रतिस्थापन गरिएको छ । चण्डीपूर्णिमाको दिन धार्मिक विधिअनुुसार पूजाआजा गरी सोमबार मन्दिरमा गजुुर प्रस्तिथापन गरिएको हो । गोरखाका प्रमुुख जिल्ला अधिकारी जितेन्द्र बस्नेत, मन्दिरका मूल पुुजारी इन्सान थापा र गुुठियारका थकाली होमलाल श्रेष्ठले संयुक्त रूपमा मन्दिरको ढोकामा पूजाआजा गरेर गजुुर प्रतिस्थापन गरेको मनकामना मन्दिर जीर्णोद्धार समितिका सचिव प्रेमकुुमार श्रेष्ठले जानकारी दिए ।
मन्दिरको माथिल्लो छानामा सुुनको जलप लगाएर गजुुर राखिएको उनले बताए । राजा पृथ्वीनारायण शाहले पटक–पटक कीर्तिपुुरमा पराजय भोगेपछि मनकामना मन्दिरमा रानीको सुुनको गहनाको गजुुर बनाएर चढाउने, ४ मुुरीको खेतबारी दिने भाकल गरे । सोही भाकलपछि कीर्तिपुुर जितेका थिए । कीर्तिपुुर जितेपछि पृथ्वीनारायण शाहले रानीको गहनाको गजुुर बनाइदिएको योगी नरहरिनाथको गोर्खा वंशावलीमा उल्लेख रहेको सचिव श्रेष्ठले बताए ।
पुुरानै शैलीमा निर्माण भइरहेको मनकामना मन्दिरमा १८ किलो सुुनको प्रयोग गरेर जीर्णोद्धार भइरहेको छ । अहिलेसम्म १६ किलो सुुन खर्च भइरहेको छ । दसैंसम्म सम्पूर्ण निर्माण पूरा गर्ने लक्ष्यसाथ मन्दिरको निर्माण कार्य भइरहेको छ । ‘दसैंमा मूल मन्दिरमा पूजा गराउने लक्ष्यसाथ काम भइरहेको उनले बताए । समितिका सचिव श्रेष्ठका अनुुसार ०६७ सालमा जीर्णोद्धार समिति गठन गरी जीर्णोद्धार प्रक्रिया सुुरु भएको थियो । ०६८ साल चैत २२ बाट निर्माण सुुरु भएको थियो । त्यहीबेलाबाट काठको बुट्टा बनाउने काम थालिएको हो । जीर्णोद्धार समितिका सचिव श्रेष्ठका अनुुसार ०७२ साल वैशाख १२ को भूकम्पपछि जेठ २५ गते मन्दिरको गजुुर खोलेर मन्दिर भत्काउन सुुरु गरिएको हो । ०७२ साल साउन ६ गते जग राखेर शिलान्यास थालिएको हो ।
गजुुर राखिसकेपछि माथिल्लो छानाको काम सकिएकाले अब तल्लो छानाको निर्माण कार्य धमाधम हुुने जीर्णाेद्धार समितिका अध्यक्ष नरेन्द्रबाबुु श्रेष्ठले बताए । मन्दिर जीर्णोद्धार तीर्थालुुको भेटी र स्वैच्छिक चन्दाबाट भइरहेको छ । अध्यक्ष श्रेष्ठका अनुुसार हालसम्म १० करोड बराबरको रकम भेटी र चन्दाबाट उठेको छ । मन्दिर निर्माणका लागि नेपाल सरकारले त ४ करोड रकम मात्रै अनुुदान सहयोग उपलब्ध गराएको छ ।
नेपालको पशुुपतिनाथपछिको सबैभन्दा बढी भक्तजन दर्शन गर्न मनकामना मन्दिर जाने गर्छन् । धार्मिक पर्यटनका लागि नेपालको प्रमुुख गन्तव्य नै बनेको छ मनकामना मन्दिर । नेपालीदेखि ठूलो संख्यामा भारतीयसमेत मनकामना दर्शनका लागि आउने मन्दिरका मूल पुुजारी इन्सान थापा बताउँछन् । मूल पुुजारी थापा भन्छन्, ‘नेपाली मात्र होइन, भारतीयका साथै विदेशीसमेत मनकामना दर्शनका लागि आउने गर्छन् ।’ मनकामना मन्दिर विशेष चाडपर्वमा मात्र होइन, हरेक दिन भीडभाड हुुने गरेको छ ।
प्रतिक्रिया दिनुहोस !
