मंगलबार नेपालगन्जमा वर्षकै सर्वाधिक गर्मी
नेपालगन्ज : बाँकेमा सोमबार यो वर्षकै उच्चतम् तापक्रम मापन गरिएको छ । जल तथा मौसम विज्ञान विभागको हावापानी फिल्ड कार्यालय राँझाका अनुसार सर्वाधिक ४० दशमलव ३ डिग्री सेल्सियस थियो । जुन अघिल्लो वर्षभन्दा झण्डै ५ डिग्री सेल्सियसले तापक्रम बढी भएको हो ।
२४ वैशाख २०७४ मा ३४ दशमलव ३ डिग्री सेल्सियस मात्र तापक्रम थियो ।मंगलबार पौने तीन बजेको रेकर्ड अनुसार ३९ दशमलव ३ डिग्री सेल्सियस तापक्रम थियो । जुन गत वर्षको आजैका दिनभन्दा कम तापक्रम हो । २०७४ वैशाख २५ मा ३९ दशमलव ८ डिग्री सेल्सियस तापक्रम थियो ।
विगत चार दिनयता बाँकेमा गर्मी बढ्दो क्रममा रहेको छ । जल तथा मौसम पूर्वानुमान महाशाखा काठमाडौंका मौसमविद् वरुण पौडेलका अनुसार बुधबार पश्चिम नेपालका पहाडी जिल्लामा भने मौसम बदलि भइ पानी पर्ने सम्भावना छ ।
उनले अन्नपूर्णसँग भने, ‘तराईका जिल्लामा भन्दा पनि सुर्खेत, जुम्ला, हुम्ला, डोल्पा लगायतका क्षेत्रमा दिउँसो पानी पर्नेछ ।’
प्रतिक्रिया दिनुहोस !
