राजविराज : ढुंगा बोकेको ट्याक्टरबाट लडेर बिहीबार बिहान सप्तरीमा एक १६ वर्षीय मजदुरको मृत्यु भएको छ। खडग नगरपालिका ४ स्थित पूर्व–पश्चिम राजमार्गमा पश्चिमबाट पूर्वतर्फ गइरहेको स.१ त ५५५९ नम्बरको ट्याक्टरबाट लडेर उदयपुरगढी गाउँपालिका ५ का दिलिप तामांगको मृत्यु भएको उनीसँगै काम गर्ने मजदुरले जानकारी दिएको प्रहरी निरीक्षक सुरेन्द्रकुमार श्रेष्ठले बताए।
पोस्टमार्टमका लागि शवलाई रामकुमार उमाप्रसाद मुरारका अस्पताल लहानमा राखिएको छ। घटनालगत्तै ट्याक्टर चालक फरार भएको र ट्याक्टर इलाका प्रहरी कार्यालय कडरबोनाको नियन्त्रणमा राखिएको प्रहरी उपरीक्षक मुकेशकुमार सिंहले बताए।
प्रतिक्रिया दिनुहोस !
