एकजनाको कम्तिमा १८ हजार जोगिने
काठमाडौँ: सरकारले मलेसिया जाने नेपाली कामदारबाट लिँदै आएको विभिन्न शीर्षकका अतिरिक्त शुल्क खारेजीको पहल सुरु गरेको छ ।
श्रम, वैदेशिक, रोजगार तथा सामाजिक सुरक्षा मन्त्रालयले परराष्ट्र मन्त्रालयमार्फत सम्बन्धित मुलुकमा कूटनीतिक पहल गर्ने गरी एकपक्षीय र अवाञ्छितरुपमा लिइएका शुल्क अन्त्य गर्ने भएको हो ।
श्रममन्त्री गोकर्णराज विष्टले बिहीबार पत्रकार सम्मेलन गरी नेपाल र मलेसियाको श्रम सम्झौतामा समेत नभएका ३९ वटा स्वास्थ्य संस्थामा मात्र स्वास्थ्य परीक्षणको व्यवस्था हटाई नेपालमा कानूनबमोजिम सञ्चालित सबै संस्थामा परीक्षण गराउने व्यवस्था गर्न लागिएको बताएका छन् ।
उनले परीक्षणमा अनलाइन माइग्रामका नाममा प्रतिकामदार १२५, मलेसियन दूतावासमा एकीकृत सेवा (ओएसस) का नाममा लिइने दुई हजार ८०० र भ्याट, माइग्रेसन सेक्युरिटी बापत तीन हजार २०० सय, भीसा शुल्क अनलाइनबाट प्रक्रिया गर्न तीन हजार २०० लिने काम अवैध र गैरकानूनी भएकाले खारेज गरिने पनि बताए ।
यो निर्णयबाट नेपाली कामदारलाई झण्डै १८ हजार बचत हुनेछ । नेपालबाट मलेसियामा वार्षिक करीब डेढ लाख कामदार जाने गरेका छन् । रासस
प्रतिक्रिया दिनुहोस !
