बाढीले बाँध भत्किँदा विद्युत् आपूर्ति बन्द

बाढीले बाँध भत्किँदा विद्युत् आपूर्ति बन्द

त्रिपुराकोट (डोल्पा) : अविरल वर्षाका कारण छलगाड खोलामा आएको बाढीले छलगाड लघुजलविद्युत् आयोजनाको बाँध भत्काएपछि विद्युत् आपूर्ति पूरै बन्द भएको छ । एक्कासि आएको बढीले बाँध भत्काएपछि विद्युत् आपूर्ति बन्द भएको हो ।

त्रिपुरासुन्दरी नगरपालिका–१ लोकामा रहेको छलगाड लघुजलविद्युत् आयोजनाको बाँध अविरल वर्षाका कारण आएको बाढीले बाँध भत्काएपछि विद्युत् आपूर्ति बन्द भएको हो ।

बाढीले झन्डै ५० मिटरभन्दा बढी बाँधलाई कटान गरेको बताइएको छ । जम्मा ३५ किलोवाट क्षमता भएको लघुजलविद्युत् आयोजनाले नगरपालिका–१ का ३ सय ५० घरधुरीलाई विद्युत् आपूर्ति गर्दै आएको थियो । बाढीले झन्डै ३० लाख बराबरको क्षति पु¥याएको अनुमान गरिएको छ ।

विद्युत् आपूर्ति बन्द हुँदा त्रिपुरासुन्दरी नगरपालिकाका कार्यालय तथा गैरसरकारी कार्यालयको कामकाज प्रभावित बनेको छ । विद्युत् आपूर्ति बन्द भएपछि सामान्य कागजातको फोटोकपी तथा इमेल गर्नकै लागि सदरमुकाम दुनैमा जानुपर्ने अवस्था सिर्जना भएको स्थानीय हेमराज हमालले बताए ।

बाढीले क्षति ठूलै पुर्‍याएको र बाढीको बहावसमेत बढेकाले पनि तत्काल बाँध मर्मत तथा पुनर्निर्माण सम्भव नभएको त्रिपुरासुन्दरी नगरपालिकाका इन्जिनियर सन्त सार्कीले बताए । उनका अनुसार असोज नलागेसम्म पानीको बहाव नघट्ने र खोलामा बाँध बाँध्न पनि नसकिने भएकाले त्रिपुरासुन्दरी नगरपालिकाका बासिन्दा झन्डै ३ महिनासम्म अन्धकारमा बस्नुपर्ने सम्भावना रहेको प्राविधिकको ठम्याइ छ ।

बाढी बढेसँगै छलगाड नदीले आफ्नो धार परिवर्तन गरी खेतीयोग्य जमिनतर्फ कटान गर्न थालेपछि किसान चिन्तित बनेका छन् । छलगार्डको खोलामा हरेक वर्ष बाढी आउने गर्छ ।


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.